Ftesë për shprehje interesimi

Posted 4 vjet ago
FTESË PËR SHPREHJE INTERESIMI
Vozitës profesional të kamionëve, kategoria C/CE në Gjermani
Agjensioni i Përkrahjes së Punësimit Kosovë – APPK dhe Akademia CEB nga Republika Saarland - Gjermani, vazhdojnë bashkëpunimin me projekte që kanë për synim përkrahjen e qytetarëve të Kosovës për integrimin e tyre të suksesshëm në shoqërinë Gjermane.Projekti më i ri ka për synim Rikualifikimin e vozitësve të kamionëve, kategoria C/CE, me synim të një punësimi të përhershëm në Gjermani, për fillimisht 20 punëkërkues - shtetas të Kosovës.Me qëllim të informimit sa më të mirë të kandidatëve të interesuar për pjesëmarrje në këtë projekt, APPK i fton të interesuarit në  takime prezantuese. Interesimin tuaj për të marrë pjesë në këto takime, ju lutem të na e përcillni përmes dërgimit të një e-maili në hr@appk.org, me subjekt: “Shprehje Interesimi për Vozitës_(Emri dhe mbiemri)”, më së largu deri me 07.09.2021. Në e-mailin tuaj, mjafton të na i dërgoni këto të dhëna:

  • Emrin dhe mbiemrin
  • Datëlindjen
  • Shkollimin e përfunduar
  • Posedoni lejen e vozitjes të kategorisë C/CE? prej cilit vit?
  • Numrin e telefonit

Për ta pasur më të lehtë prurjen e vendimit tuaj për të marrë pjesë në këto takime prezantuese, në vijim disa informata të shkurtëra se cilit grup synues i dedikohet ky projekt:

Nëse jeni:

  • Të diplomuar në një shkollë të mesme, apo dhe fillore nëntëvjeçare, në Kosovë;
  • Posedues i lejes së vozitjes të kategorisë C/CE;
  • Të gatshëm të bashkë-investoni në mësimin e gjuhës gjermane në Kosovë, për rreth 8 muaj;
  • Të gatshëm dhe shumë të motivuar për të vijuar një Rikualifikim 6 mujor në Gjermani për vozitës profesional të kamionëve - kategoria C/CE, me kosto tërësisht të mbuluara nga projekti, përfshirë edhe koston e jetesës, me synim të punësimit të përhershëm si Vozitës profesional i kamionit C/CE në Gjermani;
  • Të moshës 21 - 40 vjeç.

Ju ofrohet:

  • Mësimi i gjuhës gjermane dhe certifikimi, deri në nivelin B1, si parakusht për vijimin e Rikualifikimit, me kosto të formës së bashkëfinancimit;
  • Përcjellja e tërësishme e aktiviteteve programore para shkuarjes në Gjermani, pa asnjë kosto shtesë;
  • Mundësi të punësimit të përhershëm në Gjermani, pas mbarimit të rikualifikimit.

Gjatë takimit prezantues, do të jeni të informuar për të gjitha proceset e këtij projekti, me qëllim që ta keni më lehtë të vendosni për konkurrimin tuaj.

Ju mirëpresim në APPK,

Departamenti i zhvillimit të resurseve Njerëzore

Job Information

Status: Expired Job type: Full Time Salary: Negotiable Publish date: 27 Gus 2021

Apply for job

Sorry! application is not available.