Donatori:
EACEA / Erasmus+

Shuma e projektit në Euro:
Buxheti total i projektit: 499,326 €
Kontributi i donatorit: 399,461 €

Kohëzgjatja:
36 muaj

Përshkrim i shkurtër i projektit:
Projekti “CultiVETing: Kultivimi i Sipërmarrjes në Sektorin Agro-Ushqimor përmes Arsimit Profesional dhe Teknik (VET)” është zhvilluar për të mbushur hendekun mes sektorit të arsimit profesional dhe nevojave të tregut të punës në sektorin agro-ushqimor, duke trajnuar ofruesit e VET-it për të zhvilluar programe mësimore që përgjigjen në mënyrë efektive ndaj kërkesave të tregut të punës, ndërkohë që promovojnë sipërmarrjen individuale dhe qëndrueshmërinë.

Për më tepër, projekti synon të krijojë një rrjet të aktorëve kombëtarë që do të integrojnë dhe promovojnë institucionet VET si nxitës të ndryshimit socio-ekonomik në sektorin agro-ushqimor në Ballkanin Perëndimor, veçanërisht në Shqipëri dhe Kosovë.

Gjithashtu, përmes projektit CultiVETing, përfaqësues të sektorit VET nga vendet e BE-së dhe Ballkanit Perëndimor do të afrojnë distancat përmes bashkëpunimit, shkëmbimit të praktikave më të mira dhe zhvillimit të aktiviteteve të përbashkëta.

Qëllimi i përgjithshëm i projektit është trajnim i stafit dhe trajnerëve të VET-it në lidhje me dizajnimin e kurrikulave, me synimin për të përmbushur nevojat e tregut të punës dhe të nxënësve, për të përputhur aftësitë thelbësore me punët, për t’u përshtatur me kërkesat e shpejta të vendit të punës dhe për të nxitur aftësitë e sipërmarrjes tek nxënësit në sektorin bujqësor.

Gjithashtu, projekti synon të krijojë një rrjet aktorësh kombëtarë që do të integrojnë dhe promovojnë institucionet VET si faktorë të ndryshimit socio-ekonomik në sektorin agro-ushqimor në Shqipëri dhe Kosovë.

Karakteristikat e projektit:

  • Mbushja e hendekut mes sektorit VET dhe nevojave të tregut të punës
  • Promovimi i sipërmarrjes individuale dhe qëndrueshmërisë
  • Ndërtimi i rrjetit të aktorëve kombëtarë
  • Bashkëpunimi dhe shkëmbimi rajonal i praktikave më të mira
  • Trajnimi për dizajnimin e kurrikulave
  • Nxitja e aftësive sipërmarrëse në sektorin bujqësor